Esta noite a empresa de reparacións eléctricas Garelec, situada no polígono industrial da Raña (O Barco), sufría un intento de roubo. Os ladróns tentaban acceder ás instalacións a través dunha porta traseira, na que se producían danos, pero finalmente non lograron entrar. Dende Galerec denunciáronse hoxe os feitos acontecidos ante a Garda Civil.
Esta é a primeira vez que esta empresa sofre un intento de roubo, se ben nesta mesma semana noutra firma situada no mesmo polígono barquense, Castañas Moral, producíase un roubo, tamén denunciado ante a Garda Civil.