“Estamos facendo un esforzo orzamentario importantísimo en medios de cara a esta campaña de verán, ningunha parte do territorio galego estará desprovista de medios aéreos contra o lume”, tal e como sinalaba o conselleiro do Medio Rural, José González, durante unha visita que realizaba nesta mañá de venres á comarca de Valdeorras.
González lembraba que o pasado 1 de xullo comezaba a campaña de alto risco de incendios forestais en Galicia, que se estenderá ata o 30 de setembro, e no seu marco estase a realizar o despregamento de medios aéreos.
“En Valdeorras tamén haberá un helicóptero na base de Vilanova pero quero engadir algo máis, a menos de 20 minutos desta comarca temos helicópteros en cinco bases diferentes”, indicaba o conselleiro.
O conselleiro lembraba que na compaña cóntase con medios da comunidade autónoma, pero tamén do goberno central, como é o caso da base de Laza. “Onte lle pedíamos ao goberno do Estado que acelerase o despregamento e estase facendo hoxe mesmo, algo que eu agradezo. E así mesmo nestes días, nos que estamos facendo nós o despregamento, farase tamén a incorporación do helicóptero en Valdeorras”.