A Asociación Centro Comercial Aberto (CCA) O Barco celebrará o vindeiro Día do Pai cunha campaña moi especial. Prepara un circuíto de xogos e inchables deportivos coa campaña “Con P de Pai”. No seu marco vanse instalar na praza do Concellodo Barco de Valdeorras, catro inchables deportivos onde pais e fillos/as deberán xogar en parellas para acadar a puntuación mínima, en cada inchable, e levarse vales de compra para investir nos establecementos asociados.
A campaña terá lugar o sábado 18 de marzo en horario de 11h. a 13:30 horas e de 17:30h. a 20h. Para participar nos xogos é obrigatorio presentar un tícket de compra dalgún establecemento asociado ao CCA O Barco, con data do mes de marzo e importe mínimo de 5€.
