O Complexo Hospitalario Universitario de Ourense (CHUO) vén da dar o primeiro paso cara a plena robotización da loxística do medicamento. Acaba de instalar e de poñer en marcha a súa primeira Estación de Dispensación Automatizada de Medicación, no servizo de Reanimación.
Este equipo, segundo indican dende o Sergas, “permite combinar as necesidades diarias de fármacos no servizo, coas prescricións electrónicas dos facultativos, de xeito que o persoal de enfermería pode prescindir do papel para a retirada de fármacos, con plena seguridade tanto na identificación dos pacientes como nas doses, facilitando a reposición do stock, grazas a que o propio equipo informático facilita información continuada ao servizo de Farmacia”.
O sistema de dispensación automatizada “é como un caixeiro automático de medicación, e conta cos maiores niveles de seguridade. A enfermeira identifícase no sistema mediante a lectura da súa huella dixital, selecciona o paciente, e súa medicación se expende de xeito inmediato, no número de envases ou doses prescritas, que automaticamente quedan rexistradas no sistema facilitando súa reposición por parte do servizo de Farmacia”, tal e como se informa dende o Sergas.
Con ese primeiro paso o CHUO avanza cara a un ambicioso proxecto de aplicación das novas tecnoloxías á loxística do medicamento hospitalario, incluído no Plan de Innovación H2050 que, grazas a unha inversión final de ao redor de 2 millóns de euros, o converterán no primeiro hospital europeo en lograr, de xeito totalmente informatizado e automatizado, a trazabilidade dos fármacos, desde súa entrada no hospital ata súa aplicación ao paciente.