Co fin de promocionar e apoiar á hostalería barquense, comeza este xoves, 5 de maio, “A Tapiña dos Xoves”, unha iniciativa do Concello do Barco, O Centro Comercial Aberto e a Asociación Empresarial de Valdeorras co patrocinio de Bodegas Godeval, Bodega Roandi, Hacienda Ucediños e Bodega Cooperativa Jesús Nazareno.
Esta nova proposta gastronómica alongarase ata o vindeiro 16 de xuño, contando con 15 establecementos participantes (especificados no cartel que se achega). Todos os xoves, de 19:30 a 22:30 horas, os hostaleiros ofrecerán diferentes tapas e pinchos cun custe de dous euros.
Ademais, esta iniciativa contará cunha tarxeta de participación para aqueles clientes que consumiron as tapiñas en polo menos tres establecementos diferentes. Entre os participantes, sortearanse catro ceas para dúas persoas, doadas polas adegas patrocinadoras.
O sorteo realizarase o día 20 de xuño, ás 18:00 horas na sede de AEVA, e os números premiados se publicarán nas páxinas web e nas redes sociais das entidades organizadoras.
