Ás 12h. deste domingo comezaba a Misa Maior no Santuario dos Milagres (Baños de Molgas) que era cantada polo Coro de Santa Rita do Barco. Ademais esta agrupación coral, que dirixe Silvina Bravo, estreaba tres novas pezas no seu repertorio “Venid juntos a la asamblea” na entrada da eucaristía, “Ten piedad” e “Aleluya”.
Esta é a segunda ocasión na que o Coro de Santa Rita actúa no Santuario dos Milagres. Esta formación ten cantado xa na Catedral de Santiago e en igrexas doutras zonas como A Coruña, Ponferrada ou Vouzela.
