O humorista actuará co músico Sérgio Tannus nunha única sesión ás 22.30 horas
O célebre humorista Carlos Blanco visita o Concello de Allariz para ofrecer un dos seus espectáculos. A cita está fixada no calendario para o vindeiro 22 de abril, ás 22.30 horas na Casa da Cultura da vila.
As entradas pódense adquirir en venda anticipada na mesma Casa da Cultura e terán un custe de 10 euros. Non obstante, o prezo terá un desconto de dous euros se se mercan coa tarxeta cidadá. As prazas son limitadas e pecharanse cando se complete o aforo.
O monologuista estará acompañado sobre as táboas polo músico Sérgio Tannus, que ofrecerá unha colaboración especial.