En portada

O IES Vilamarín, vencedor do certame “Cociñar con Ribeiro”

A final celebrábase na tarde do 2 de maio, no marco da Feira do Viño do Ribeiro en Ribadavia
Foto dos participantes no concurso cos membros do xurado.
Foto dos participantes no concurso cos membros do xurado.

Coa receita “Rape con costra de moluscos, salsa de cenoria e aroma de Ribeiro” o IES Vilamarín impoñíase aos outros dous finalistas do concurso “Cociñar con Ribeiro”. A fase definitiva deste certame tiña lugar na tarde do 2 de maio no marco da 52ª Feira do Viño do Ribeiro, en Ribadavia.

Un xurado multidisciplinar valoraba, na aula de actividades da feira, a preparación “in situ” e o resultado das tres receitas finalistas, presentadas polo C.I.F.P. Carlos Oroza (Mexillón en salsa Ribeiro), o xa citado I.E.S. Vilamarín e o I.E.S. Fraga do Eume (Semifrío de uva).

Prato ganador do concurso "Cociñar con Ribeiro".
Prato ganador do concurso “Cociñar con Ribeiro”.

O primeiro premio recaía na do IES ourensán, que foi elaborada por Antonio Caride Martín (brigada mestre) e polos alumnos Raquel Castro Diéguez, Cristina Martínez Nieto e Javier Rey Vázquez.

Conchi Peiteado, que exercía como presidenta do xurado, referíase na súa intervención á profesionalidade e gran nivel de todos os participantes na final do concurso, mentres que o presidente do CRDO Ribeiro, Miguel Ángel Viso, agradecía aos concursantes a súa dedicación e a colaboración dos membros do xurado. E ademais, Viso amosábase satisfeito por ter acadado os obxectivos do concurso.

A brigada ganadora acompañada polo presidente do C.R.D.O: Ribeiro, Miguel Ángel Viso Diéguez.
A brigada ganadora acompañada polo presidente do C.R.D.O: Ribeiro, Miguel Ángel Viso Diéguez.

Artigos relacionados

Back to top button