CulturaCulturaGalerías de fotosÚltima hora

A Rúa acolle a preestrea de “Os Fillos da Vide”

A súa directora, Ana Domínguez, compartía o seu primeiro documental cos seus veciños, parte dos cales son tamén protagonistas deste traballo

Numerosas persoas se daban cita na noite do 23 de decembro no Centro Cultural Avenida da Rúa para asistir a unha proxección moi especial. Despois dun longo e coidado traballo de nove anos, a directora Ana Domínguez compartía cos seus veciños a súa primeira longamatraxe: “Os Fillos da Vide”.

Trátase dun documental rodado na Rúa e que percorre, seguindo o paso das estacións e da vida, o cultivo da vide: dende a vendima, pasando pola poda e o agromar dos froitos, ata a seguinte colleita. Un traballo moi persoal e mimado cuxos protagonistas son os propios rueses, xunto con modo de vida ligado á terra e á viticultura, hoxe case perdido.

Momentos antes do inicio da proxección, a alcaldesa ruesa, María González, amosaba a súa satisfacción por que Ana Domínguez escollese A Rúa para presentar este traballo e aseguraba que era un bo xeito para comezar a celebración do Nadal no municipio. Pola súa banda, a directora do documental, agradecía os apoios recibidos por diferentes entidades para levar a cabo este proxecto e tamén a colaboración da xente. Tras a proxección, os asistentes compartían un viño da Cooperativa da Rúa.

Fotos: Carlos G. Hervella.
Máis información na edición en papel do Periódico O Sil

Artigos relacionados

Back to top button