Un día despois de que o Concello de Petín anunciara o esgotamento das estradas para a Festa da Freba, a Asociación Sabugueiro poñía á venda as da XXI Festa da Empanada de Costrelas da Rúa, que se celebrará o sábado 23 de decembro a partires das dúas da tarde.
A esa hora, a carpa climatizada ubicada no campo de San Roque, abrirá as portas para acoller aos comensais que poderán degustar un exquisito menú a base de sopas de allo, empanada de costelas adobadas e torta de roxóns, á parte de viño, café e licores.
Para poder acceder ao recinto, degustar o menú e tamén botar un baile, deberán mercarse as entradas que custarán 20 euros (1 será para a asociación) e están á venda ata o 21 de decembro nos lugares habituais: O Colmado, Peluquería Esencia, O Café, Maphre, Artesanos Peyma, A Cervecería e Xardinalia Floristería.
A fin de festa correrá de novo por conta de disco show Danzalia con baile “ata que o corpo aguante”.
