Santiago acolle o VIII Congreso de Psicoloxía Xurídica e Forense

Santiago acollía a finais de outubro o VIII Congreso de Psicoloxía Xurídica e Forense en cuxo programa se incluía a mesa redonda “O bo trato aos menores, unha responsabilidade multidisciplinar”, coordenada polo Valedor do Pobo, o valdeorrés José Julio Fernández.

Nesta mesa redonda participaban o director xeral de Educación, Manuel Corredoira; a directora da Oficina da Representante Especial do Secretariado Xeral de Nacións Unidas sobre a violencia contra nenas e nenos, Elda Moreno; o fiscal xefe de Pontevedra, Juan Carlos Aladro; o coordenador xeral da Federación de Asociacións para a Prevención do Maltrato Infantil, Tomás Aller; e a presidenta da Asociación Maltrato Infantil NO-Galicia, Diana Rodríguez.