Un total de 240 viños da Denominación de Orixe Ribeiro veñen de ser distinguidos pola “Guía de Viños, Destilados e Bodegas de Galicia 2022”, e editada por Paadín.es. Así, 22 referencias conseguín a medalla de Gran Ouro, outras 20 lograron o recoñecemento de Ouro+, 144 viños a medalla de Ouro e outras 54 marcas foron distinguidas coa medalla de Prata.
A presentación da guía tiña lugar a pasada semana na sede do Consello Regulador, en Ribadavia, da man dos propios autores da publicación, Luís e Alejandro Paadín, e do presidente do C. R.D.O. Ribeiro, Juan Manuel Casares. Este último comentaba que “cada ano percibimos un incremento no número de distincións (un total de 16 viños máis que o ano pasado) e isto é unha enorme recompensa ao bo facer dos viticultores e adegas da Denominación de Orixe”.
É o décimo ano consecutivo que esta Guía se edita polo sistema de micro-mecenado, con 560 páxinas a cor e estando exenta de publicidade. Recolle máis de 1.500 viños e destilados catados de máis de 500 adegas e destilerías. Inclúe ademais mapas litolóxicos, de relevo, climáticos e pluviométricos de todas as DD. OO. Tamén harmonías de viños galegos con pratos rexionais de toda España. E por último inclúe tamén unha nova árbore xenealóxica dalgunhas variedades de uva ancestrais de Galicia, así como unha ampliación de sinonimias e homonimias alcanzando a máis de 300 nomes de uvas galegas.
GRAN OURO RIBEIRO GUÍA 2022
• Amadeus 2019
• Cuvée Ugh 2019
• Armán Finca Misenhora 2018
• Armán Finca Os Loureiros 2017
• Definca 2018
• Emilio Rojo 2018
• Fai un Sol de Carallo 2018
• Finca Viñoa Embotellado Tardío 2016
• Gomariz Finca O Figueiral 2018
• La Bandida Finca Camineros 2019
• La Sombrilla 2018
• Libro 2019
• O Gran Meín 2019
• Ramón do Casar Lento 2017
• Ramón do Casar Nobre 2019
• Son de Arrieiro Lías 2016
• Teira X 2019
• Val de Nairoa 2019
• Viña de Martín Escolma 2017
• Alma de Reboreda 2008 (tostado)
• As Pasas do Pasás 2011 (tostado)
• Tostado de Costeira 2013 (tostado)
