O vindeiro sábado, 6 de febreiro, un equipo do programa “Que nos pille rebolando” da TVG visitará O Barco de Valdeorras para emitir en directo a súa sección “Gran Ganga” desde tres establecementos asociados (elexidos pola dirección do programa de televisión entre os asociados que se presentaron voluntarios) ao Centro Comercial Aberto (CCA): Autoescuela Valdeorras, Baamonde e Ton y Son.
Entre as 15:00 e as 18:00 horas, realizaranse varios directos para sortear, entre os clientes, tres vales de compra por valor de 50 euros para investir nos establecementos participantes (un vale en cada establecemento).