O ano pasado a equipación do equipo sénior do Centro de Deportes Barco rendía homenaxe ao Nazareno e diante da súa imaxe, na igrexa de San Mauro, era presentada pola directiva, xogadores e o propio párroco. Este ano o club barquense decidía homenaxear a Santa Rita, sendo a súa imaxe un dos elementos que forman parte da camiseta vermella para esta tempada 2024/2025 que comeza o domingo.
Por iso, igual que fixeran co Nazareno ofrecerán a nova equipacion a Santa Rita. Será este domingo 8 de setembro ás 12:30 horas na igrexa da Santa, na praza do Príncipe (no Barco), contando coa presenza de xogadores e directiva.
Ademais, tal como adianta o presidente o CD Barco, Nilo Ramos, porán un stand na praza con camisetas, bufandas, libros, etc coa nova equipación e parte do recadado será donado a Cáritas.
