Sudadeiras (18 euros), camisetas (18 euros), panos (3 euros), cuncas (7 euros), chapas (1,5 euros) e bragas co emblema identificativo do Entroido de Verín 2020. Son os artigos á venda na tenda oficial que o Concello vén de abrir ao público e entre os que se atopa exposta a revista “Entroido en Galicia 2020” que edita o Periódico O Sil.
A tenda, ubicada na praza García Barbón, ten como obxectivo recadar fondos para financiar devanditos festexos e abre en horario de 12 a 14 e de 17 a 21 horas.
Nesta tenda non se pode mercar á revista, só botarlle unha ollada. Está á venda na Librería AZ (rúa Laureano Peláez, S/N (Esq. Montemayor)).
