Tal como infroman dende AGARESO (Asociación Galega de Reporteiros Solidarios), os máis de 60 alumnos de 3º da ESO e FP básica do IES Lauro Olmo do Barco que participan este ano no proxecto de educación en valores ‘Activistas polo mundo queremos’ adicarán este luns 21 de febreiro a gravar varios programas de radio para loitar contra o machismo, os abusos ambientais ou o discurso de odio contra a migración e o colectivo LGTBIQ+.
En obradoiros anteriores aprenderon o que significa ser unha persoa activista tanto na Galiza coma noutras partes do mundo. Tamén reflexionaron sobre como as ferramentas comunicativas como a radio, pódenlles axudar no seu activismo. Agora os mozos e mozas, como se fosen auténticos xornalistas, tras investigar e facer os guións das súas reportaxes, locutarán e gravarán en “falso directo” os seus propios programas de radio de denuncia e transformación social.
Así o alumnado do Barco súmase os case cincocentos mozos e mozas que dende Redondela, Cambre, Pastoriza, Monforte e Caldas de Reis participan este ano na 9º edición dun “proxecto de educación para a cidadanía global que é posible grazas a unión de tres ONGDs, Solidariedade Internacional de Galicia, Asociación Galega de Comunicación para o Cambio Social (Agareso) e Asemblea de Cooperación pola Paz (ACPP) e ao financiamento da Dirección Xeral de Relacións Exteriores e coa UE”, explican dende Agaeso.
A iniciativa forma parte da plataforma de innovación educativa ‘Plan Proxecta’, impulsada pola Consellería de Cultura, Educación e Ordenación Universitaria.
Os horarios das gravacións de radio o vindeiro luns 21 de febreiro no IES Lauro Olmo son:
3º A ESO: 10:30h-12:10h.
3º B ESO: 12:30h-14:10h.
FP BÁSICA: 15:40h-17:20h.