Moi contentos regresan os membros da Asociación Cultural Bran de Castro Caldelas do XVII Concurso de Música Tradicional Xacarandaina, celebrado o 29 de maio na Coruña. Participaban tanto no apartado de solistas como no de cuartetos e, en ambos, conseguían levarse un galardón.
Así, como gaiteiro solista, Diego Prieto acadaba o terceiro premio do certame, tras interpretar tres pezas: “Alalá das mariñas”, “Jota do Vello” e “Noitébrega” (de Xosé Luis Romero con arranxos de Daniel Bellón). Ademais o Bran Cuartet, que tocaba “Jota da miña burriña” e “Jota de Forcarei”, conseguía o segundo premio na categoría de cuartetos. E todo isto nunha das edición máis desputadas e con máis nivel deste concurso. Esta era a segunda ocasión que estes músicos participaban neste certame.
Fotos: cedidas pola Asociación Cultural Bran.