Titores e enfermeiras especialistas en formación, das catro disciplinas acreditadas na Área Sanitaria de Ourense, Verín e Valdeorras, reuníronse nunha xornada de traballo para afondar no coñecemento mutuo e nas actividades que cada unidade docente desenvolve, para promover sinerxias e actividades conxuntas no obxectivo común de calidade.
Esta “I Xornada de Formación Sanitaria Especializada de Enfermaría”, que nace con vocación de continuidade, reunía no Hospital Universitario de Ourense a unha trintena de profesionais das unidades docentes de Enfermería Familiar e Comunitaria, Pediatría, Saúde Mental e Enfermería Obstétrico-Xinecolóxica (Matronas). Asistiron todas as EIR (Enfermeira Interno Residente) salvo as que neste momento están rotando fora, xunto a moitas das titoras destas especialidades.
A necesidade de maior interacción, entre as titoras e as EIR, a que se da resposta coas xornada, derívase dos distintos circuitos formativos que separan as futuras especialistas durante gran parte da súa formación, pese a manter intereses comúns, tanto asistenciais como de investigación.
Neste primeiro encontro abordáronse ademáis as liñas de traballo e de mellora precisas para afianzar o camiño xa iniciado polas especialidades de enfermaría, ademáis dunha folla de ruta, para materializar os cambios establecidos no Decreto de Ordenación da Formación Sanitaria Especializada en Galicia.
Promover a investigación
Na xornada realizáronse diversas dinámicas de traballo, para residentes e titores, dirixidas respectivamente, por Verónica Civeira, supervisora da Área Cronicidade, e Esther Pérez, da Subcomisión Especialidades de Enfermaría, así como exposicions de aspectos prácticos asistenciais e docentes, que correron a cargo de Laura Martínez, EIR de segundo ano de Saúde Mental; Sandra Pardo, xefa de estudos da Unidade Docente Multiprofesional de Atención Familiar e Comunitaria, e de Jesús García Mata, presidente da Comisión de Docencia da Área Sanitaria de Ourense.
Entre os temas que resultaron de especial preocupación para os e as titoras destacan o de manter e protexer a calidade da formación sanitaria especializada, así como a necesidade de dar continuidade aos proxectos e traballos de investigación das EIR, como garantía duns coidados centrados no paciente, e baseados na evidencia científica. Pola súa parte as residentes coincidiron no seu desexo de “mellorar o sistema”, como resumíu Fátima Pérez, residente de pediatría, e de traballar en equipo, visibilizando oportunidades nas que poden traballar xuntas e “complementarnos á perfección” subliña.
Vintedous EIR en catro especialidades
A formación especializada de enfermería afronta un fito histórico este ano, sumando doce novos residentes (EIR), grazas ao aumento de tres a cinco prazas de formación en Enfermería Familiar e Comunitaria. Xunto a elas, incorporáronse tres en Saúde Mental, e dúas, respectivamente, en Pediatría e Obstetricia e Xinecoloxía.
A duración do período de formativo das residentes de enfermería é de dous anos, polo que neste realizan a súa formación especializada vintedous enfermeiras, oito delas de enfermería familiar e comunitaria, tamén o grupo máis numeroso de titoras e titores.
O sistema sanitario público de Ourense ten unha dilatada experiencia na formación universitaria postgrao de ciencias da saúde, con mais de 40 anos de docencia, nas distintas especialidades hospitalarias, e desde 1991 tamén de Medicina Familiar e Comunitaria. Crecendo progresivamente a oferta docente con máis especialidades médicas e de enfermería.
Formado por 113 profesionais, o grupo máis numeroso son os titores e titoras de medicina e enfermería familiar e comunitaria, 27 profesionais médicos e de enfermería repartidos nos centros de saúde docentes da provincia: En Ourense no Valle Inclán, A Ponte, Novoa Santos-O Couto, A Cuña e A Carballeira, ademais dos de O Carballiño, Xinzo de Limia, Allariz e Verín.
