ConcellosÚltima hora

Incendio no pobo barquense de Santigoso

Comezaba ás 20:25h. da tarde do 10 de setembro, afectando a 10 has, e dende primeiras horas da mañá do domingo 11 está controlado

Ao redor das oito e media da tarde do 10 de setembro o municipio barquense volvía a verse afectado polo lume. Producíase un incendio na localidade de Santigoso que, segundo as últimas estimacións da Consellería do Medio Rural, ten afectado a unhas 20 hectáreas. O fume podía verse claramente dende o Paseo do Malecón, onde se reunían multitude de persoas para desfrutar dos actos da Festa do Cristo.

Este incendio está controlado dende as 08:29 horas do 11 de setembro e no operativo de extinción participan 6 axentes, 16 brigadas, 7 motobombas e 1 pa, segundo Medio Rural.

As dúas primeiras fotos desta galería son dos inicios do incendio na tarde do 10 de setembro e as outras dúas da mañá do 11 de setembro.

Fotos: A.R./ Mónica G. Bellver

Artigos relacionados

Back to top button