A Garda Civil do Barco de Valdeorras vén de tomar declaración en calidade de investigado a un veciño de 43 anos do Barco como “presunto autor dun delito de roubo con forza nas cousas”, tras denunciar a propietaria do negocio o roubo da recadación da caixa rexistradora (500 euros) “tras acceder ao interior do establecemento mediante fractura de cristaleira da porta traseira cun sumidoiro”.
Os feitos tiñan lugar na noite do pasado 5 de xaneiro (Noite de Reis) e o caso pasou ao Xulgado N° 1 do Barco.
