O lanzador de martelo Juan Jiménez, que é adestrado polo valdeorrés Carlos Revuelta, clasificábase esta mañá de mércores para a final do Campionato do Mundo Sub20 que se está celebrando en Nairobi, Kenia. O mozo lanzador xa foi finalista do pasado europeo en Tallin (Estonia) e agora aspira a situarse entre os 8 mellores lanzadores do mundo na súa categoría.
Dase a circunstancia de que a semana pasada, Juan estivo no Barco, adestrando xunto a Carlos e ultimando a súa posta a punto para este compromiso. Ademais aproveitou para coñecer e gozar un pouco da comarca de Valdeorras.
