Con diversas e “terroríficas” actividades, dirixidas de forma especial aos cativos, celebraba a Asociación Cultural A Rebusca de Manzaneda a tarde e a noite de Samaín o 31 de outubro.
A partires das seis estaba previsto o inicio dunha xincana terrorífica pola vila, con diversas probas de enxeño e tamén arrepiantes, que se completaba no local desta asociación cun magosto coa participación de nenos e adultos.
Despois entrada a noite mantíñase a tradición da “castronada”, propia das terras de Manzaneda.
Esta actividade foi organizada pola A.C. A Rebusca, por Amarelante Sociedade Cooperativa Galega e pola Casa Niño O Bicarelo.
Fotos: A Rebusca.
