O comité de campaña do PSdeG decidía na tarde do domingo 5 de xullo suspender os mítins na provincia de Lugo ante a situación sanitaria existente na comarca da Mariña.
“A actividade nesta provincia, na que un rebrote de coronavirus obrigou a pechar a bisbarra da Mariña, limitarase a paseos e comparecencias no territorio”, tal e como informa o partido socialista
Desta decisión deu conta o secretario de organización do PSdeG, José Antonio Quiroga, ao conxunto do partido, e enmarcou esta decisión na responsabilidade esixible nestes momentos.
