Despois de moitas décadas de ter deixado as súas aulas, alumnos da promoción de 1969 do Colexio Divina Pastora do Barco regresaban a este centro educativo no que cursaban a antiga Educación Xeral Básica (EXB) o 25 de febreiro. Foi un reencontro moi emotivo entre eles, xa que había algúns que non se vían dende esa época e tamén co propio colexio.
En total xuntábanse 28 persoas que despois asistían a unha cea-celebración no Restaurante Fernando III do Barco, onde retornaban a eses anos da infancia e mocidade compartindo lembranzas e anécdotas. “Fíxonos moita ilusión e estamos moi contentos de ternos reencontrado, pásamolo xenial”, comentan os participantes. Ademais adiantan que a intención é volver organizar outra reunión deste tipo xa que “houbo moita xente que non puido vir”.
Fotos cedidas.
