Na tarde deste domingo 16 de abril producíase un accidente de tráfico nunha das rotondas de acceso á Rúa. En concreto era na chamada rotonda do Pablo VI cando en torno ás catro e media cando se producía a colisión entre un turismo que accedía á confluencia entre a OU-603, a rúa Progreso e a OU-609 e unha moto.
No coche viaxaba o árbitro que debía pitar no partido previsto para as cinco da tarde no campo Vicente Solarat Maceda entre o CD Rúa e a ADF Molgas, que tiña que ser retrasado máis de media hora aínda que finalmente pudo celebrarse sen problema dado que o colexiado non sufrira lesión algunha.
Na moto viaxaba unha parella e a muller que ía na parte de atrás era trasladada ao Hospital Público Valdeorras, tal como informan dende a Policía Local da Rúa que se presentaba no lugar do accidente. Tamén acudían unha ambulancia do 061, os bombeiros e a Garda Civil.
