Loitando contra os rápidos da zona barquense das Cortes concluía a competición española de descenso de augas bravas que se desputaba na fin de semana do 13 e 14 de maio no Barco. O tramo do río Sil na zona das Cortes convertíase, por vez primeira, en escenario da Copa España sprint, que se desenvolvía a partires das dez da mañá do domingo.
A diferenza doutras edicións, nas que esta proba se realizaba no Malecón, desta volta o tramo poñía á proba aos padexeiros que non podían despistarse en ningún momento. Nesta Copa de novo o Fluvial Barco acadaba bos resultados, con cinco podios, destacando o primeiro posto de Jesús Rodríguez León en K-1 senior.
Fotos: Carlos G. Hervella
Máis información e fotos:
https://osil.info/o-fluvial-barco-colleita-cinco-novos-podios-na-casa-na-copa-espana-sprint/
https://osil.info/patrulla-fluvial-barco-campiona-da-copa-espana-clasica-de-augas-bravas-desputada-no-sil/
https://osil.info/o-fluvial-barco-recolle-14-premios-na-primeira-xornada-da-competicion-de-augas-bravas-no-sil/