Continúa a tendencia de descenso nos casos activos de coronavirus en Valdeorras. Así nesta xornada de 1 de febreiro a comarca rexistra 406 positivos (datos actualizados ás 18h. de onte), o que supón 31 positivos menos que onte, segundo as cifras feitas públicas pola Consellería de Sanidade.
Os contaxios activos descenden no Barco con 261 positivos (8 menos que onte), en Carballeda de Valdeorras con 21 positivos (6 menos que onte), na Rúa con 51 positivos (2 menos que onte), en Rubiá con 17 positivos (1 menos que onte) e na Veiga con 19 positivos (15 menos que onte). Por contra, Petín pasa de 6 a 7 positivos, é dicir, 1 máis que onte.
Ademais as cifras mantéñense igual que onte no Bolo con 5 positivos, en Larouco con 4 positivos e en Vilamartín con 21 positivos.
En canto ás hospitalizacións, o Hospital Público de Valdeorras rexistra neste martes un total de 6 ingresos en planta por coronavirus, o que supón 1 máis que onte.
