Hai moito tempo atrás, unha raíña de España buscaba desesperada ao seu fillo. E atopábao na aldea de Vilamirón (Pantón, Lugo). Entón nese mesmo lugar mandou edificar unha torre á que denominou “Torre de Quitapesares” como xesto polo alivio que sentiu ao dar co seu neno.
Mentres pescudaban sobre a historia desta torre, os membros da Asociación Segredos de Pantón escoitábanlle esta historia sobre a atalaia a un veciño. Un relato que agora, coa axuda do recoñecido debuxante El Fisgón Histórico (Juan de Aragón), veñen de converter en cómic para transmitila e compartila coas novas xeracións.
De feito, a súa intención de cara ao comezo do vindeiro curso escolar é traballar con este cómic cos máis pequenos e tamén cos adultos a través de diversas iniciativas.
O cómic pode descargarse no seguinte enderezo:
https://gl.wikipedia.org/wiki/Torre_de_Quitapesares