Pasadas ás 12h. deste martes 25 de abril producíase un accidente de tráfico na OU-533 (estrada da Rúa á Gudiña) ao seu paso por Santa Cruz (O Bolo). Un vehículo saíase da vía, resultando feridos dous dos seus ocupantes.
Ata o lugar do suceso desprazábanse de inmediato Protección Civil do Bolo, 061 Urxencias Sanitarias, o GES da Veiga, a Garda Civil de Tráfico e tamén acudía persoal de Conservación de Carreteras.
As persoas feridas, con prognóstico reservado, eran trasladadas para recibir atención sanitaria ao Hospital Público de Valdeorras.
