Enfado, desesperación e malestar pola falta de medios para atallar o lume no Castelo (Rubiá). Dende primeira hora desta tarde, o tenente de alcalde de Rubiá e alcalde en funcións, Ignacio Doce, estaba illado na Casa do Pobo, “cuns 5 veciños da zona e unha parella da Garda Civil, sen recibir ningún tipo de axuda e coas chamas enriba”, tal e como el mesmo denuncia. “Leva ardendo dende as 14h., xa hai tres casas ardidas e aínda chegaron ás oito pasadas as dúas primeiras dotacións de bombeiros, nós non podiamos saír”, dicía Ignacio Doce.
“Evacuouse A Veiga, O Castelo e O Barrio. Os veciños están realoxados no pavillón e na residencia de Rubiá”, conta o tenente de alcalde.
As chamas entraban nesta localidade de Rubiá e queimaban alomenos, segundo informa Ignacio Doce, tres casas.
Ademais o tenente de alcalde de Rubiá, que continúa no Castelo, di que o municipio “arde por todos lados”. Neste momentos hai dúas motobombas no Castelo.
Vídeo:https://youtube.com/shorts/3yOoQoQfDlc?feature=share
Fotos cedidas.
