O padexeiro valdeorrés Raúl Prada Pérez, que compite co Club de Piragüismo Verducido-Pontillón, segue sumando podios. Desta volta vén de ganar o Campionato de España de Xoves Promesas en K-4 cadete na distancia de 1.000 m., compartindo barco con Anxo Estévez, Miguel Anxo Franco e David Pazos.
Tras clasificarse para a final A desta categoría, o K-4 do barquense completaba o circuíto nun tempo de 3:22.904, que lle valía o ouro desta competición celebrada nesta fin de semana en Trasona (Asturias).
Os catro mesmos padexeiros deste K-4, que son adestrados por Jabucho, xa vencían hai dous anos nesta mesma competición, pero en categoría infantil, e hai apenas un mes tamén ganaban a Copa de España.
Fotos: Lois Prada F.
