A organización da II San Xil Casaio Andaina e Trail vén de anunciar a apertura das inscricións desta cita o venres día 10 ás 10h. “Este ano contamos cun trail de 33 km, no que só poden participar 75 corredores , xa que transcorre por zona de máxima protección, subindo preto de Pena Trevinca e baixando polo val glaciar do Foio Castaño. Ademais da andaina de 16 e 20 km e un trail de 20 km”, adiantan os promotores.
Esta proba deportiva esta prevista para o próximo día 14 de maio. As persoas interesadas poden realizar as súas incricións en www.sportmaniac.com ou nos establecementos Bicis Chapi, Deportes foot on mars e no Supermercado de Casaio.
Imaxes cedidas.
