Unha semana antes que o ano pasado se celebrará o magosto do Concello da Rúa. Será este sábado 2 de novembro a partir das 20 horas coma sempre na Estación de Autobuses.
Para asistir á XXVIII edición desta tradicional festa o custo da entrada mantense nos 5 euros tendo opción a degustar bullotes asados, bolo preñado, empanada, bica, auga e viño.
Samaín A Rúa
Uns días antes, o 31 de outubro e o 1 de novembro, terá lugar a celebración do Samaín cun túnel do terror na Estación. Haberá unha “carpa terrorífica” na rúa Doutor Vila e dúas sesións en quendas de 20 minutos aproximadamante con grupos reducidos: de 17:30 a 19 será a tranquila e de 19:30 a 21:30 para “emocións máis fortes”.
