Vinos Barco, Adega Cooperativa Xesús Nazareno do Barco, “é unha familia de 300 amigos. Eles e as súas familias son a alma da adega, polo que esta homenaxe en forma de vídeo vai dedicado a eles”, destacan dende esta entidade con motivo da súa campaña de Nadal que veñen de lanzar.
A campaña céntrase en comunicar o esforzo dos seus socios. Realiza un paralelismo entre a actividade dunha casa e a dunha adega que está creada por unha familia de amigos. Deste xeito, nestas datas nos fogares preparar o que leva á mesa é unha das principais preocupacións e en Vinos Barco fano con coidado e esforzo durante todo o ano. Este vídeo realízase como colofón a un ano no que a adega apostou polo enoturismo mediante o seu podcast de misterio “A Perla de Valdeorras” e por unha imaxe renovada das súas instalacións que representa as súas orixes, entre outras accións.
Deste xeito Vinos Barco agradécelles a súa permanencia e traballo na cooperativa durante tantos anos. “Sentímonos orgullosos dos nosos viños porque son o resultado da nosa experiencia traballando a terra. En cada botella hai parte de cada un de nós. Todos formamos parte deste viño” declara Alfredo Vázquez, xerente de Vinos Barco.
Aposta polo enoturismo