Os resultados da enquisa de satisfacción posta en marcha este ano pola Área Sanitaria de Ourense, Verín e Valdeorras este ano, para avaliar a satisfacción dos pacientes hospitalizados otorga ao Hospital Universitario de Ourense unha cualificación de 8.4 puntos de media, en canto a satisfacción global, concedendolle a puntuación máxima ao “trato e amabilidade do persoal” (8.7 puntos).
A enquisa iniciouse en maio, no marco do plan estratéxico de calidade e humanización da asistencia, e súmase ao obxectivo de integrar a experiencia do paciente, como xa se ven facendo con outras iniciativas que potencian o papel do Consello Asesor de Pacientes (órgano de participación das asociacións de pacientes); co concurso de ideas de humanización; ou coa análise periódica das reclamacións e suxestións recibidas no Servizo de Atención ao Paciente, ademais de numerosos proxectos, na procura dunha asistencia máis centrada na súas experiencias e necesidades.
“Os positivos resultados son especialmente significativos tendo en conta que o 97.6%, dos 2.114 pacientes do Hospital Universitario que accederon ao enlace, ata 2.094 desexaron participar. Moitos deles tamén aportando achegas, que están a ser valoradas pola Unidade de Calidade para incorporalas como obxectivos de mellora”, aseguran dende a área sanitaria ourensá.
Trato e amabilidade do persoal
A dimensión mellor valorada en Ourense foi o trato e amabilidade do persoal, que obtén unha nota media de 8.7. Neste aspecto hai que destacar que case a metade, dos máis de dous mil pacientes, que responderon a enquisa consideran que este aspecto merece a nota máxima: Un 10.
Entre os tres criterios máis valorados, tamén destaca a puntuación obtida polo criterio de “Axuda para controlar a Dor”, cun 8.6 de media e, coa mesma nota media, a “posibilidade de estar acompañado por un familiar”, aspecto que ata o 49.3% dos pacientes cualifican cun 10.
Moi de cerca, cun 8.5, o “respecto a intimidade”, criterio moi a ter en conta nun ingreso hospitalario. Ingreso que é cualificado cun 8.4, no apartado de “Satifacción global coa atención recibida”. Asemade, a “disposición a escoitar” do persoal tamén é un dos mais valorados, cunha nota media de 8.3.
En conxunto os once aspectos valorados: Trato e amabilidade, confortabilidade da habitación; tranquilidade para o descanso; posibilidade de ter compañía dun familiar; comida; limpeza; información; disposición a escoitar dos profesionais; respecto á intimidade do persoal; e control da dor foron cualificados moi positivamente. De feito a nota máis baixa é igualmente elevada: Un 7.4
Enquisa accesible e anónima
Este iniciativa é posible coa nova plataforma tecnolóxica de relación coa cidadanía do Servicio Galego de Saúde, CRM100, que facilita devolver chamadas perdidas, ou xestionar citas en atención primaria, como o enviar recordatorios de consultas por sms e, neste caso, realizar enquisas.
A invitación para participar na enquisa envíase por SMS ao móbil do paciente, aos sete días de ser dado de alta en calquera dos tres hospitais de Ourense, Verín e Valdeorras. A través do enlace, incluído na mensaxe, poden acceder ao cuestionario e cumplimentalo de xeito moi sinxelo e intuitivo, en menos de 5 minutos. Os resultados descárganse, de xeito totalmente anonimo na plataforma, agregándose ás xa recibidas, permitindo así unha avaliación continua.
Valorar unha experiencia vital moi estendida
Cada ano ingresan, e permanecen hospitalizados unha media de oito días, 35.000 persoas nos hospitais públicos de Ourense, Verín e Valdeorras. Esto supón que máis do 11,5% da poboación da provincia experimenta a lo menos un ingreso anual. Velaí a importancia de afondar na percepción desta experiencia que implica a tantas persoas e familias.
Un ingreso hospitalario ten un impacto directo na vida do doente, pero tamén un impacto relevante na vida das familias. Ese impacto asociado de preocupación pola saúde perdida e tamén pola incertidume, provoca unha percepción de vulnerabilidade e de dependencia que nalgúns casos complica o proceso de recuperación.
O obxectivo principal da hospitalización é a recuperación ou o mantemento da saúde perdida ou deteriorada, e para iso toda unha serie de profesionais efectúan técnicas diagnósticas e terapéuticas e realizan coidados especializados de alta calidade científico-técnica. Estes procedementos e coidados son monitorizados e avaliados de xeito continuo, pero esta avaliación clínica compleméntase agora cun seguemento continuo do propio paciente, o que sen dúbida mellorará a asistencia.