En portada

Xornadas de “Viñodiversidade” en Castrelo de Miño

Publicidade
O seu programa inclúe xornadas de formación de viticultura ecolóxica e biodinámica e unha mostra internacional de viños da biodiversidade
Imaxe que aparece no cartaz de "Viñodiversidade" de Castrelo de Miño.
Imaxe que aparece no cartaz de “Viñodiversidade” de Castrelo de Miño.

Formación máis feira de mostras. É a fórmula pola que aposta “Viñodiversidade”, unha iniciativa que se desenvolverá do 20 ao 21 de novembro en Castrelo de Miño. O seu programa encetarase os días 10 e 20 de novembro cunhas xornadas de formación de viticultura ecolóxica e biodinámica, con aulas presenciais que se realizarán no Auditorio do concello, e traballo en viña, con visitas a varias explotacións, tal e como se informa dende o Concello de Castrelo de Miño, promotor desta iniciativa en colaboración co Sindicato Labrego Galego. Estas xornadas será impartidas por André Rodrigues Henriqes da Silva e Pablo Ortigueira Sánchez.

Ademais o sábado 21 de novembro terá lugar a I Mostra Internacional de Viños da Biodiversidade no salóns do edificio do parque náutico de Castrelo. A cita congregará a máis de 25 adegas que “nos mostrarán os seus viños. Haberá adegas galegas, españolas e portuguesas. A entrada custará 5 euros, e o horario será de 11:00 a 14:00 e de 16:00 a 20:00 horas. Está será a primeira feira que se celebra en Galicia de viticultura ecolóxica e biodinámica, e unha das primeiras da península ibérica”, destacan dende o Concello de Castrelo de Miño, cuxa intención é que “se convirta nun éxito e consolidala nos vindeiros anos”.

O certame incluirá asemade un “Punto de encontro para a viticultura emprendedora”, co fin de que viticultores, adegueiros e profesionais da vitivinicultura intercambien experiencias e traballos entre as súas viñas, adegas e técnicos.
“Por exemplo, haberá viñas que estexan en aluguer ou venda, viticultores que estexa interesado en traballalas, técnicos interesados en intercambiar experiencias de elaboración de viños e tratamento en viñedos… Haberá tamén adegas que poden alugar un espazo dentro das súas naves, para que un colleiteiro poida elaborar alí os seus primeiros viños, etc.”, aseguran dende o Concello de Castrelo de Miño.

Artigos relacionados

Back to top button